കുളിക്കാന്‍ പൊതുവായി സോപ്പ് ഉപയോഗിക്കുന്നവരറിയാൻ

0 1,438

നമ്മളുടെ വീടുകളില്‍ ഇന്ന് മിക്കവയിലും ഓരേ ബാത്ത്‌റൂം തന്നെയാണ് പലരും കുളിക്കാന്‍ ഉപയോഗിക്കുന്നത് . ഇത്തരത്തില്‍ ഒരേ ബാത്ത്‌റൂമില്‍ കുളിക്കുബോള്‍ എല്ലാവരും ഒരേ സോപ്പ് തന്നെ ഉപയോഗിക്കുന്നു. ഇത്തരത്തില്‍ ഒരേ സോപ്പ് ഉപയോഗിച്ച്‌ നിരവധി ആളുകള്‍ കുളിച്ചാല്‍, സോപ്പില്‍ ബാക്ടീരിയയും മറ്റ് സൂക്ഷ്മാണുക്കളും വളരും. ഇത് ചര്‍മ്മ അണുബാധകളിലേക്കും തണുപ്പിലേക്കും മറ്റ് രോഗങ്ങളിലേക്കും നയിച്ചേക്കാം. കുളിക്കാന്‍ സോപ്പ് ഉപയോഗിക്കുബോള്‍ ശ്രദ്ധിക്കേണ്ട കാര്യങ്ങള്‍ എന്തെല്ലാമെന്ന് നോക്കാം.

നിങ്ങളുടെ സ്വന്തം സോപ്പ് ഉപയോഗിക്കുക

കുളിക്കുബോള്‍ നിങ്ങള്‍ സ്വന്തമായി ഒരു സോപ്പ് വാങ്ങി വെച്ച്‌ ഉപയോഗിക്കാന്‍ ശ്രദ്ധിക്കുന്നത് നല്ലതായിരിക്കും. നിങ്ങളുടെ സോപ്പ് മറ്റൊരാള്‍ ഉപയോഗിച്ചാല്‍ ഇത് ചര്‍മ്മ പ്രശ്‌നങ്ങള്‍ പകരുന്നതിലേയ്ക്ക് നയിക്കുന്നുണ്ട്. അതുപോലെ തന്നെ താരന്‍ പോലെയുള്ള സൗന്ദര്യ പ്രശ്‌നങ്ങള്‍ പിടികൂടുന്നതിനും ഇത് കാരണമാകുന്നു.
അതിനാല്‍ സ്വന്തമായി സോപ്പ് വാങ്ങി അത് പ്രത്യേകം ഒരു സോപ്പു പെട്ടിയില്‍ അടച്ച്‌ വെച്ച്‌ ഉപയോഗിക്കുന്നതാണ് നല്ലത്. ഇല്ലെങ്കില്‍ ഇത് മറ്റൊരാള്‍ ഉപയോഗിക്കുന്നതിലേയ്ക്ക് നയിക്കാം.

ഉപയോഗത്തിന് ശേഷം സോപ്പ് നന്നായി കഴുകുക

നിങ്ങള്‍ മാത്രം ഉപയോഗിക്കുന്ന സോപ്പ് ആണെങ്കില്‍ കൂടിയും നിങ്ങള്‍ കുളിച്ച്‌ കഴിഞ്ഞതിന് ശേഷം സോപ്പ് കഴുകി വെള്ളം വറ്റിയതിന് ശേഷം മാത്രം അടച്ച്‌ വെക്കാന്‍ ശ്രദ്ധിക്കുക. ഇല്ലെങ്കില്‍ നിങ്ങളുടെ ശരീരത്തില്‍ നിന്നും അണുക്കള്‍ പീന്നീട് വീണ്ടും ശരീരത്തിലേയ്ക്ക് പ്രവേശിക്കുന്നതിന് കാരണമാകും.

അതുപോലെ തന്നെ സോപ്പ് എല്ലായ്‌പ്പോഴും ഉണക്കി സൂക്ഷിക്കാന്‍ ശ്രദ്ധിക്കുക. കാരണം, ഇല്ലെങ്കില്‍, ഇതില്‍ വെള്ളത്തിന്റെ അംശം ഇരിക്കും തോറും ബാക്ടീരിയ പെരുകാന്‍ കാരണമാകുന്നു. അതിനാല്‍, സോപ്പ് കുളിച്ചതിന് ശേഷം ബാത്ത്‌റൂമില്‍ തന്നെ വെക്കുന്നതിന് പകരം, വായു സഞ്ചാരം ഉള്ള സ്ഥലത്ത് തുറന്ന് വെച്ച്‌ ഉണക്കി വെക്കാന്‍ ശ്രദ്ധിക്കാവുന്നതാണ്.

രോഗമുള്ള ഒരാളുമായി സോപ്പ് പങ്കിടരുത്

എന്തെങ്കിലും തരത്തില്‍ ഏതെങ്കിലും രോഗങ്ങള്‍ ഉള്ളവർ ഉപയോഗിക്കുന്ന സോപ്പ് ഒരിക്കലും ഉപയോഗിക്കരുത്. ഈ സോപ്പില്‍ നിന്നും നിങ്ങളുടെ ശരീരത്തിലേയ്ക്ക് അതേ അണുക്കള്‍ പ്രവേശിക്കുന്നതിന് ഇത് കാരണമാണ്.

അതുപോലെ, ചര്‍മ്മ രോഗങ്ങള്‍ ഉള്ളവരുടെ, അലര്‍ജി ഉള്ളവര്‍ ഉപയോഗിക്കുന്ന സോപ്പ് എന്നിവ ഒരിക്കലും നിങ്ങള്‍ ഉപയോഗിക്കാന്‍ പാടുള്ളതല്ല. പ്രത്യേകിച്ച്‌ ഇത്തരം സോപ്പ് ഉപയോഗിച്ച്‌ കുട്ടികളെ ഒരിക്കലും കുളിപ്പിക്കരുത്. ഇത്തരത്തില്‍ രോഗികള്‍ ഉപയോഗിക്കുന്ന സോപ്പ് മാറ്റി വെക്കാന്‍ ശ്രദ്ധിക്കേണ്ടതാണ്.

ഹെല്‍ത്തിയായി കുളിക്കാന്‍

നല്ല ഹെല്‍ത്തിയായിട്ടുള്ള കുളിക്കുന്ന ശീലം വളര്‍ത്താന്‍ സോപ്പിനേക്കാള്‍ നല്ലത് ബോഡി വാഷ് ഉപയോഗിക്കുന്നതാണ്. അതുപോലെ, ബോഡി വാഷ് എടുക്കാന്‍ ഉപയോഗിക്കുന്ന ലൂഫ് മറ്റൊരാള്‍ എടുക്കാതിരിക്കാന്‍ ശ്രദ്ധിക്കുക.

അതുപോലെ, തോര്‍ത്ത് മുതല്‍ എല്ലാ സാധനങ്ങളും പ്രത്യേകം പ്രത്യേകം കുളിക്കാന്‍ തിരഞ്ഞെടുക്കുന്നത് നല്ലതായിരിക്കും. അതുപോലെ, ടോയ്‌ലറ്റില്‍ പോയി വരുബോള്‍ കൈകള്‍ കഴുകാന്‍ പൊതുവായി ഒരൊറ്റ സോപ്പ് ഉപയോഗിക്കുന്നതിന് പകരം, ഹാന്റ് വാഷ് ഉപയോഗിക്കുന്നതാണ് നല്ലത്.

Leave A Reply

Your email address will not be published.